ئایا رفراندوم کریەت لە باشور کوردستان؟

بازیەکان گەرمن، هەڕەشەکان فرەن، تورکیە و ئێران و وڵاتگەڵ زڵهێز هانە سەر خەت کە رفراندوم نەکریەت، سەرەڕاێ گشت ئیانە کورد باشور وە تاویوەت بارزانی اسرار دێرن کە رفراندوم کریەت و هویج دەلیڵێک نیە ئەڕا دویا خستنێ.نمونەکان فرەن ئەڕا ئەوە کە لان کەم کرکوک ناآرام کەن،ئیران تهدید داخستن دەروازەکان کەێ و تورکیە مانوڕ نزامی ئەنجام دەێ. من فکر کەم گشت ئیانە یک بازی سیاسیە و بەشێک لە کورد وە تایوەت بارزانی و پارتی ئاگادارن، ئاگادار لە هەڕەشەکان تورکیە و ئەگەر ئشتباە نەکەم هەڕەشەکان تورکیە لە پێش دیاری کریاگە و پارتی خاس لەی بازیە زانێ.
من دو چشت توام باس بەکم لەێرە
یەکم” امکان نەێرێ تورکیە و پارتی لە یەک بێ ئاگاە بون لە بارەێ گشت پرسی و هەڕەشە لە گشت پرسی،چویکە حکومەت هەریم کە ها دەس پارتی قەراردادێکی ٥٠ ساڵەێ نەفت وەڵ دەوڵەت ئاکەپە دێرێ. بێ گومان ئمزاێ قەراردادێکی کەڵان وەیجورە وەرجە ئمزا کردنێ گشت ئەما و ئەگەرێک ئەڕاێ پێبینی کریاس لەوانە ئسقڵال ئی بەشە لە کوردستان.من ویشم مسئەلەێ ڕفراندوم تا سائەتە ئاخرەکانێ وەی گەرمیە چوتە پێش و پارتی و یکیتی مسڕن لە سەرێ وەڵێ شەک نەێرم کە لە سائەتە ئاخرەکان هەم یکیتی و هەم پارتی وە بڕیارێک کە مسئەلەن قەوڵگەڵێک دریاسەپیمان یا وە هەر بەهانەێکتر ڕفراندوم هەڵوەشننوە. هەڵبەتە ئومێدوارم من ئشتباە بکەم و ئەگەریچ ئشتباە بکەم شاێەتیچ فرە خوەشحاڵ بوم وەڵێ ئیە واقعیەتێکە کە وە چەو خوەمان دوینیمەێ.ئەگەر ئی ڕفراندومە لەی تاریخە نەکریەت هەم خاسی و هەم خراوی خوەێ دێرێ، خاسی ئەوەسە کە لان کەم تستێک بی ئەڕا دونیا و چوار دەور کە بزانیم ئەکسلعەمەڵەکان چەن و خراویەکەێ ئەوەسە کە پارتی و یکیتی بونە چوپان دروغگو و دی کەس باوەڕ وە پێان ناکەێ ئەگەر دوساڵتێر باز هەم بویشن ڕفراندوم کەیم. ئەما باوەڕ دێرم کە هەر مڵەتێک کە بتواێ ڕفراندوم بکەێ باێەد خاون ئرادەێ خوەێ بووت،لە ‌هەڕەشە و گوڕەشە نەترسێ و ئامادە بووت ئەڕا هەر باجێک لە سەرێ دابنەێ چویکە ئستقڵال وە قوربان سەدەقە ناتێتە دی،شیرەکەت قەت کەم،نانەکەت بڕم و دوستاێەتی وەلتا قەت کەم،ئیانە نبایەد ڕێگر بون ئەڕا وە دەس هاوردن ئسقلال.ئەما دیارە لەی بەشە لە کوردستان هەم حزبەکان و هەم فرە لە سەرکەردەێ حزبەکان دو دڵن و هانە دڵەڕاوکە و لە گشتێ موهمتر ڕفراندوم ٦ ڕوژێ ماگە هەمراێ نیمەێ حزبەکان موافقێ نیەن و هاودەنگ نیەن.
لە ئاخر ویشم ئومێدوارم مەردم کورد زەرەرمەند گەورە نەون.

بشیر فنلاند
١٩.٩.٢٠١٧