Home / آرشیو سایت / بەشدارێ سازمان دموکراتیک یارسان (سدی) نمایندەگی فنلاند لە گردبینەوەێکی پشتیوانی لە عفرین

بەشدارێ سازمان دموکراتیک یارسان (سدی) نمایندەگی فنلاند لە گردبینەوەێکی پشتیوانی لە عفرین

یارسان مدیا:

ئەڕا دەربڕین و هاوسوزی وەل عفرین ئیمڕوژ گردبینەوەێکی جەماوەری لە شار تورکو وڵات فنلاند وە ڕێوە چی. لە گردبینەوەکە کە سەدان کەس بەشدارێ بین، چەندین حزب و ڕێخریاگ کوردستانی بەشدار بین لەوانە سازمان دموکراتیک یارسان نمایندەگی فنلاند.

لە گردبینەوەکە بەشدارەیل وە شوئارەیل جیاواز هاوسوزی و پشتیوانی خوەێان لە کورد ڕوژئاوا وە گشتی و شار عفرین وە تایوەتی دەربڕین و داگیرکەری دەوڵەت فاشیست تورک و بێ دەنگی ئامریکاە و ڕوسیە شەرمەزار کریا. لەی گردینەوە نمایندەێ سازمان دموکراتیک یارسان ڕێزدار بشیر ئەمیرخانی پەێامێک لە پشتیوانی عفرین پێشکەش کرد و لە پەێامەکەێ پشتیوانی سازمانەکەی لە ڕوژئاوا و شار عفرین تکرار کردو.

لە ئدامە قسە کانیا، کاک بشیر وەت ئیمە جور سازمان دموکراتیک یارسان پشتیوان داخوازیەکان ملت کورد لەو بەشەیم، هاوکات دەس خستە سەر سەبەب داگیرکاری دەولەت تورک و لە درێژەێ قسەکانێ بێ دەنگی وڵاتگەل دونیا وە تایوەت ئامریکاە و ڕوسیە شەرمەزار کرد. جێ باسە کە بەشدارەیەل وە چەپڵە پێشوازی لە قسەکان نمایندەێ سازمان دموکراتیک یارسان کردن. لە گردبینەوەکە چەدین ڕوژنامە و تلویزیون فنلاندی بەشدار بین.

سازمان دموکراتیک یارسان

نمایندەگی فنلاند

٢٧.١.٢٠١٨

بەشدارێ سازمان دموکراتیک یارسان (سدی) نمایندەگی فنلاند لە گردبینەوەێکی پشتیوانی لە عفرین

Visits: 11