جامعە یارسان لە شون سقوت جمهوری اسلامی ایران!

جمهوری اسلامی ئێران کە سیستم اداری لە سەر بنەماێ وەلایەت فەقی و پاێبەند بین وە شریعەت اسلام بونیاد نریاگەس، لە مودەت ٣٩ ساڵ لە عمر حوکمڕانی خوەێ لە فرە بواروە نەک ئێران وەرەو پێش نەوردگەس بەڵکە ولاتەکیچ لە پێشرەفتگەل جهانی فرە خستگە دویاێ.
ئەگەر تماشاێ اقتساد اێران بکەیم، ژێر بەناێ هالە حاڵەت سقوتا. گرانی، بێکاری، فقر و نەدارێ کومەڵگەێ اێران وەتەمامی فلەج کردگەس ودەرسەد فرەێک لە جامعەێ اێران هالە ژێر خەت فەقر و مردم لە سەختی ژیان و تەنگ هاتنە. ڕوژانە شاێەتیم کە جوانگلی لە ناامیدیا وە شێوەگەل جوراوجورم دس دنە خودکوشی . لە حاڵێکا پاێ پاسداران و بەیت ڕهبەری و باقی دامودەسگاگەل رژیم و پارلمانتارگەل مجلس وە وەدەس هاوردن ملیاردها دولار وە شێوەگەل جوراوجور وڵات وەرەو سقوت کامڵ هداێەت کەن.

لە کارنامەێ ئی ڕژیمە لە مودەت ئی سی و چەن ساڵە نەداری،فەقر زندان ، اعدام و فرار بیەسە نسیب مەردم و ڕێ لە تەمام ئازادیەکان مەردم گیراس و لە مودەت عمر رژیم تا ئیسە وە سەدان جار مردم لە موقابڵ رژیم رشیانەسە بازار و وە شێوەگەل جوراوجور نفرەت خوەێان لەی ڕژیمە دەربڕینەس و تا ئیسە لە موبارزە لە موقابڵ رژیم هەزاران ئنسان ئازادیخواز بینەسە قوربانی دەس جناێەتکارەێل دارودەسەێ ئی ئاخونەێلە.

دیارە لەی مەتڵەبە ناتوانم وە گشت مسائڵ لە عمر ئی ڕژیم لە مودەت ئی چەندین ساڵە اشارە بەکم، هەدەف لەی نویسانە ئیەسە ئەگەر احتماڵەن ئی ڕژیمە زوی یا دێر سقوت بکەێت مردم یارسان چوین توانن لە سەر سەرنوشت خوەێان دەخیل بون.
ئەگەر تماشاێ تغیر تحوڵات بکەیم لە ناوچەکە دوینیم سیاسەت وڵاتەکان اڕا حفزمنافەێ خوەێان وە سات و دەقە گوڕێت ڕوژێ یە بەرە دروس بوت و ئی وڵات چویە پاڵ ئەو وڵات و ئەو وڵات تێتە پاێ ئی وڵات. هەڵبەت ئی سەف ئارای سیاسیە بێشتر لە جەنگ لە وڵات سوریە خوەێ دەرخست و دەخاڵەت وڵاتگەل اێران، ڕوسیە و تورکیە قەێران جەنگ لە سوریە فرەتر پێچیدە تر کرد و بەخسوس داگیر کردن عفرین لەتەرەف تورکیە بیە موشکل گەورەێک ئەڕا امریکا و هاوپەێمانەکانە، جور کوردەکان. وەلێ عتلاف سێ وڵات گەورە جور امریکا،فرانسە و بریتانیا و بەمواران کردن مواد شیمیای ڕژیم اسد و بڕێک لە بنکە سەربازیەکان اسد و اێران تمام معادڵات سیاسی لە سوریە ئەوەز کرد و زەنگ خەتەرێک دا اسد، اێران و ڕوسیە. هەڵبەت سوخنگو امریکا وەت ڕژیم اسد ساگررە و هەدەف اسڵی اێرانە. ئەگەر اێران دەس لە گروگەل تون ڕەو اسلامی لە وڵاتگەل هاوسا وەتاێوەت وڵاتگەل عرب هەڵنەگرێت لەلێ دانی لەتەرەف امریکا و هاوپەێمانگەلێ توانێ سیناریو سوریە تکراروە بوت و هەزینەکەیچێ لە وڵاتگەل عرب وەربگرن وەتاێوەت لە عربستان.

سیاسەت دەخاڵەت و ترور و ئاژاوە ونا امن کردن وڵاتگەل دەوروبەر اێران لەتەرەف ڕژیم گوزینەێ لەلێ دان اێران لەتەرەف امریکا و هاوپەێمانەێلێ خستگەسە سەر میز و هەر لحزە ئی احتماڵە هەس کە جەنگ لە اێرانیچ دەسوەپێ بکەێت.
وە دەلایلگەل بان و سەدان دەلیلترکە سقوت ڕژیم توانێ نزیک بوت هەس و یەکی لە دەلایلگەل قورس و ڕوشن ئیەسە کە رژیم اێران تەمام منافە و بەرژەوەندی امریکا لە ناوچەکە خستگەخەتەتەر. موشخەسە جەنگ لە هەر وڵاتێک بوتە بایس نا امنی، هەرج و مەرج و هەر هێز و لاێانێک تڵاش کەێت کە لە اێران ئایندە خاون سهم بوت و لە دەسەڵات بەشدار بوت، هەر چەن تا ئیسە هێز و ڵاێانە سەرتاسەریەکان یا اپوزسیونڕژیم لە دەیشت وڵات نەتوانستنەس بونە خەتەر اڕا رژیم و هویچ اعتلافێک سیای وجود نەێرێت و وڵاتگەل غرب و اێرانیچ فرە ڕوشن ئی مسئڵە دوینن، وەلێ موجاهدین خەڵق و ڕەزا توانن دو گوزینە بون کە احتماڵا لەسەرێان سەرماێەگوزاری بکەن. دیارە لە اێران فرە نەتەوە و ادیان و مزاهب نە هویچ حزبێک سەرتاسەری و نە هویچ حزبێک کوردی ناتوانن وەتەنیا اێران ادارە بکەێت و لازمە لە بەین احزاب اێرانی و کوردستان اعتلافاتێک دروس بوت و تفاهم و تەوافق بوت اڕا ئەوەێ ەرلە هەرج و مەرج و جەنگ و مسائلێکتر بگیریەت و وە کەمترین هەزینەێ گیانی و ماڵی اێران ادارە بکریەت. دیارە هەر هێز و جەریانێک سیاسی ئەگەر کەمیچ بوت خاون هێز و تەشکیلات نهێنیە لە اێران و لە سەرهەڵدان هەر ئاڵوگوڕێ توانن تاسیرات داشتون، لەێردا تەنیا جامعەێ یارسانە کە لازمە وە خوەندنەوە لە سەر شەراێەت پێش هاتگ بکەێت و فکر سەرنوشت خوەێ بکەێت تا نەوتە ژێر مجموعەێ سیاسەت هێز و لاێانەکان و خوەێ موستەقڵ بوتە خاون قەزیەێ خوەێ. جامعەێ یارسان وەتاێوەت قشر ڕەوشەنفکر ەزیفەێ بێشترێ کەفێتە سەرشانێان کە جامعە روس هداێەت بکەن. سازمان دموکراتیک یارسان کە سازمانێک سیاسیە و خاون بەرنامەو ئەهداف سیایە اڕا جامعەێ یارسان توانێ بوتە ابزارێک مهم و اکتیو اڕا سازماندهی مونسجم اڕا هداێەت کردن ئەهدافەکانێ کە ئەویچ وەدەس هاوردن حق و حقوق سیاسی، اجتماعی و اقتسادیە اڕا جامعەێ یارسان.

سازمان دموکراتیک یارسان لە بەرنامەێ سیاسی خوەێ خوازیار حکومەتێک سکولار دموکراتە و وەبنەما گردن منشور سازمان ملل و میساقەێل مەربوتە. سازمان دموکراتیک یارسان باوەڕ دێرێت کە مەتدم یارسان تا وەختێ لە دەسەڵات سیاسی لە اێران بەشدار نەوت و نەوتە خاون نمایندەێ ڕاسەقینەێ خوەێ کە لە تەرەف مەردم خوەێ انتخاب کریاوت، سەرنوشتێ ناتوانێ لە کاکەیەکان و ایزەدیەکان لە باشورڤکوردستان بوت ئەویچ لە ساێەێ حکومەتێک کوردی. کومەڵگەێ یارسان باێەد حکومڕانی لە جنوب کوردستان لە عراق اڕاێ بویتە دەرسێک ڕوشن و فکر نەکەێت تەنیا وە کورد بوینێ تەمان حق ق حقوقەێلێ فراهم بوت، سدی باوەڕ دێرێت کە کە زەمانەت سیاسی جامعەێ یارسان هالە گرو تفاهمنامە و توافقنامە و قراردادێک اجتماعی بەین گشت هێزو و لاێانەکان کە نوێنەراێەتی تمام پێکهاتگەل کەن لە اێران.

سازمان دموکراتیک یارسان لە ئەفراد وەتوانا و دڵسوز و خاون درک و احساس ئی جامعە انتزار دێرێت کە ئی وەزیفە وە تڵاش موشترک و وە هاوکاری و هاوفکری جمعی توانێ تحقق پەێا بکەێت و تەنیا انتقاد گردن و لە دویروە قەزاوت کردن ناتوانێ جواو خواستەکان بێەێت. هەر یارسانیک باێەد لەخوەێ بپرسێ کە من چە ئەڕا جامعەکەم و نەسڵ ئایندە ئەنجام دامەس نەک جامعە چە اڕا من انجام داگەس.

منسور جوانمیری

بازدیدها: 116