Yarsanmedia Yarsan Democratic Organization Official Website
بنەماڵەی بەڕێزی کاک عەبدولڕەزاق!
ئەندامان و لاینگرانی یەکیەتیی نیشتمانیی کوردستان!
هاونیشتمانان و کۆمەڵانی خەڵکی کوردستان!
بە داخەوە هەواڵی کۆچی دوایی کاک عەبدولڕەزاق وەک سیاسەتوان و کەسایەتی بە توانای گەلەکەمان و ئەندامی دەستەی دامەزرێنەری (ی.ن.ك) خەسارێکی گەورە یە.
کاک عەبدولڕەزاق هەم وهک سهرکردهیهکی سیاسی و هەم وەك رووناکبیریکی گەلەکەمان زۆر دڵسۆزانە ماندووینەناسانە لە پێناۆ ئازادی و دێموکراسی و سەربەرزی گەلی کورد لە سەنگەری موقاوەمەت و تێکۆشان دا بۆ ساتێکیش لە خەبات هەدای نەدا. کاک عەبدولڕەزاق وێڕای بەگژاچونەوەی رژێمە دیكتاتۆر وسیستمە چەوسێنەرانە یەک لە دوای یەکەکانی عیراق، لە هەمان کاتدا کەسێکی داكۆكیكاری بەهێزی ئازادیی و پێشكەوتنخوازیی بوە.
کاک عەبدولڕەزاق وەک ئەندامی دەستەی دامەزرێنەری (ی.ن.ك) و هاوڕێی نێزیکی مام جەلال رۆڵێکی کاریگەری لە خهبات و سیاسهتی کورد لە باشووری کوردستاندا هەبوو.
وەک کەسێکی نێزیکی یارسانیەکان و دوستێکی سازمانی دێموکراتیکی یارسان لە پێناۆ دوستی یەکیەتی و یارسانیەکان زۆر دڵسوزانە و سادقانە تێدەکۆشا.
سازمانی دێموکراتیکی یارسان وێڕای بە داخ بوونی بۆ کوچی دوایی تێکۆشەری کورد کاک عەبدولڕەزاق، به چاوی رێزو ستایشەوە دهڕوانێته رابردووی خهبات و تێکۆشانی و لە دەسدانی کاک عەبدولڕەزاق بە خەسارێکی گەوەرە بۆ بنەماڵە و یەکیەتی نیشتمانی و خەڵکی کوردستان دەزانێ.
سازمانی دێموکراتیکی یارسان سەرەخۆشی لە گەلی كوردستان، سەرکردایەتی و کادیر و ئەندامانی یەكێتیی نیشتمانی كوردستان و خانەوادەی بەڕێز عەبدولڕەزاق فەیلی دەكات.
سازمانی دێموکراتکی یارسان
کومیتەی مەرکەزی
2018/06/15
بازدیدها: 45