Yarsanmedia Yarsan Democratic Organization Official Website
سازمانی دیموکراتیکی یارسان سەرکەوتنی پارتی دێموکراتیکی گەلان(هەدەپە) پیرۆز دەکات
دوای هەڵبژاردنەکانی مانگی شەش و شکەستهێنانی ئاکپارتی و بڕیاری دووبارەکردنەوەی هەڵبژاردن لە تۆرکیا، بەربەست و تۆقاندن و فشارەکانی حکومەتی تورکیاش لە پێناۆ پێشگیری کردن لە چوونی پارتی گەلان بۆ پەرلەمانی تورکیا گەیشتە ئاستی کوشتن و زیندانی کردن و میلیتاریزە کردنی شارەکانی کۆردستان.
وێرای سەرجەم ، هەموو فشارەکانی حکومەت چە لە ڕێگای چەواشەکاری سیاسی و چە لە ڕێگای بەکارهێنانی هێزی نیزامی، هەدەپە توانی بەربەستی %10 بشکێنێت و جارێکی دیکە بچێتە پەرلەمانی تورکیە.
سازمانی دیموکراتیکی یارسان وێڕای پیروزبایکردنی ئەم دەسکەوتە مەزنە لە گەلی کورد لە کوردستانی تورکیا و بە تایبەتی پارتی دیموکراتی گەلان، لە هەمات کاتیشدا هیودارە کە هەدەپە بتوانێت لە پەرلەمانی تورکیا لە مافەکانی گەلی کورد خاوەنداریەتی بکات و جارێکی دیکە ئاشتی و ئارامی باڵ بکێشێت بە سەر کوردستان وتورکیادا.
سازمانی دیموکراتیکی یارسان
کومیتەی مەرکەزی
١/١١/٢٠١٥
بازدیدها: 37