Home / بیانیە کوردی / پەیام سازمان دموکراتیک یارسان وە بونەێ “٢١ فوریە”، روژ جەهانی زوان دایکی

پەیام سازمان دموکراتیک یارسان وە بونەێ “٢١ فوریە”، روژ جەهانی زوان دایکی

یارسان مدیا
‏پێنجشەممە‏، 20‏ شوبات‏، 2020

شەورای مەرکەزی سازمان دموکراتیک یارسان:
٢١ فوریە لە لایان ڕیکخریاگ یونسکووە جور روژ جەهانی زوان دایکی دیاری کریاگە. دیاری کردن ئی ڕوژە وەیماناسە کە جەهان پێشکەفتگ و دموکراتیک ڕێز لە زوان دایکی گشت ئنسانەکان و وەتاێوەت نەتەوە بێ دەولەت و کەمینە ئتنیکەکان گرێت.

بێ گومان زوان فاکتەرێکێ ئەسڵی ناسنامەی نەتەوەیی و پێناسەێ نەتەوە بووین هەر گرو، ئجتمائی و ئتنیکێکە. زوان کوڵەکەێ زنە مانەوەێ هەر نەتەوە  و گرووپێک لە جامئەس، وە فەراموش کردن یا ئەهەمیەت نەێان وە زوان دایکی لە پاڵ فاکتەرگەلێکتر توانێت گرفت ئەرا سابت کردن شەخسیەت حەقیقی هەر تاکێک لە کومەڵگە دروس بکەێت. مانەوەێ هەر گروو و مەردمێک ئەڕا سابت کردن هەویەت ڕاستەقینەێ خوەێ وەتاێوەت کەمە نەتەوەیی و ئاینیەکان لە کومەڵگە، ها گرەو پارێزان زوان دایکی. ئیمە جور کورد یارسان ک بەشیک لە بنەماڵەی گەورەی کوردیم، خاون زوان دایکی و جورێک لە گویش کوردیمن کە تاریخکەێ چوتەڕا بێشتر لە هەزار ساڵ پێش کە سرودەگەل ئایینی یاری وەپێ نویسیاگە. دەفاتر یاری گەواهی دەر ئی حەقیقەتەسە کە توانریەت وە جورئەتوە بویشیەت کە پارێزان ئی زوانە   ئەسیل و ڕەسەن کوردیە شانازییکە ئەڕا مەردم زاگروس نشین و نیشتمانپەروەر وە تەور عام وە مەردم یارسان وە تەور خاس کە هەزار ساڵە وەخاتر ئی زوان و هەویەت کوردیە هەمویشە لە تەرەف سەردەمدارگەل بێگانە و دەسگەل خودیچ کەفتنەسە وەر هێرش و پەلامار و ئڕا ئاسیمیلە کردنێان، وە سپانن هەویەت و فەرهەنگ جەئلی وەسەر ئی مەردمانا تا ئیسەیچ ئەمەڵی ئدامە دێریت.

سازمان دموکراتیک یارسان ڕوژ زوان دایک لەتەمام دونیا پیروزبای کەێت و یەکی لە هەدەفەکانێ موبارزە زنەوەکردن و پارێزان زوان دایکی تەمام پێکهاتەکان نەتەوەێ کوردە. جاریکتر زوان دایکی لە گشت مەردم دونیا پیروز بوت.

شەورای مەرکەزی سازمان دموکراتیک یارسان

٢١ فوریە ٢٠٢٠

بازدیدها: 86

دیدگاهتان را بنویسید