بەشداری سازمان دموکراتیک یارسان (سدی) لە سمینار” چە لە ناو کوردەکان ئیران قومێ”.

یارسان مدیا
١٥.١١.٢٠١٩

کمسیون ڕەوابت سیاسی و دێپلوماسی:
بەشداری سازمان دموکراتیک یارسان (سدی) لە سمینار ” Hav skjer blant kurderne i Iran ” چە لە ناو کوردەکان ئیران قومێ.

رۆژی شەمە ٩\١١\٢٠١٩ سمینار ” چە لە ناو کوردەکان ئیران قومێ ” لە لایان سازمان “هەمبەستە گی وە گەرد کوردسان ” Solidaritet med Kurdistan ” لە دانشگاە ئوسلو، وڵات نروژ وە ڕێوە چی.

لە ئی سمینارە چوار حزب/ڕێکخراو کوردسان ئیران، سازمان دموکراتیک یارسان، حزب دموکرات کوردسان، کوملە ڕێکخراو حزب کمونیست ئیران و پارت ژیان کوردستان و چەن کەسایەتی جور کامران ماتین، ناهید وفای، نگین شیخ الاسلامی و امیر سلیمی لە سەر داوەت ڕەسمی وە ڕێوە بەر سمینارەکە بەشدار بین.

هەدەف سمینارەکە ڕوشەنگەری وەزئیەت سیاسی و ئجتمائی کوردستان ئیران و چونیەتی موبارزە لە ئەور و ڕابتە بەین حزبە کوردیەکان بی. ژمارەێ بەشداران سمینارەکە زیاتر لە سەد کس، فەعال سیاسی کورد و نروژی و  هیئت سدی، امیر سلیمی، احمد مرادی، شادوس کرمی و ژومارێەک لە ئەندام وە هواداران سدی بی.

دوکتر کامران متین باسێک لە سەر تاریخ سیاسی و شکڵ گیری نزام سیاسی و تەشکیل دەولەت- نەتەوە لە ئیران، وشەرایەت سیاسی نەتەوەی کورد لە ئی وڵاتە و چوێنیەتی موبارزە کوردەکان ئەرا وە دست هاوردن حق دیاری کردن چارەنوێس خویان کرد. ناهید وفای و نگین شیخ الاسلامی ،هەردوکیان، لە باوەت موبارزەێ ژنان ئەرا وە دەست هاوردن ماف خویان نەزەر و زانیاری خویان پیش کەش وە بەشدارن کردن.

امیر سلیمی ئەندام شەورای ڕابەری سازمان دموکراتیک یارسان کە ئە ڕا قسە کردن لە سەر کومەڵگاە یارسان و وەزئیەت سیاسی و ئجتمائی ئی کومەڵگاە داوت کریاوی زانیاری فرەێیک لە بارەێ وەزئیەت ناڵە بار مەردوم یارسان و زوڵم و ستەمێک کە لە لایان حکومەت ئسلامیەوە لە لیێان چوت وە ئاگاداری بشدارەکان سمینارەکە ڕەسان. امیر سلیمی لە ناو قسە کانێ، کە یەک سائەت ئدامە داشت ئەوە ڕوشن کردوە کە مەردوم یارسان وەک جەمگاێیک هوشیار و خاون دێونامیک سیاسی و ئجتماعی ئیسە خاون سازمان دموکراتیک یارسان. سدی با تەوجو وە پلوڕالیسم سیاسی باوەڕێ وە ئەوسە کە جەمگاێ یارسان بایەت بنە خاون قودرت سیاسی ئەڕا دەخیل بوێین لە پروسە سیاسیەکان کە سەرنوشتێان رەبت دێریت.

بەش دویاێی سمینارەکە پانلێک لە بەین چوار حزب داوەت کریاگ، سدی، پژاک، پ د ک. و کومڵە بی. لە ئی بشە لە سمینارە کە، لە ئەوڵوە هەر کام لە حزبەکان دە دەقە وخت وەپێان دریا کە بەرنامەێ سیاسێ خویان مارفی بکەن. لە ئی بەخشە لە بەرنامەکە احمد مرادی جور نمایندە سدی بەرنامەێ سیاسی سدی وە بەشداران ماڕفی کرد.

بەش فرەێیک لە وەخت پانل پرسیار لە لایان بەشدارەکانوە لە مەورد مەسائل جورواجور وەک نەوین حزور ژنان لە ئاست ڕابەری حزبەکان، کونگرەێ نەتەوەی، موزاکرەێ ناوەند دموکرات کان و کومەڵەکان وە گرد ڕەژیم بی. حزبە کانیچ هەرکام وە نەوبەت خویان لە ڕوانگەێ سیاسەت کوولی حزب خویان جواو دان .

سازمان دموکراتیک یارسان

کمسیون ڕەوابت سیاسی و دێپلوماسی

١٠/١١/٢٠١٩

بازدیدها: 475